شقيق “شيرين عبدالوهاب” يخرج عن صمته ويرد لأول مرة: “اتقوا الله”

مازالت أزمة الفنانة شيرين عبدالوهاب تتصدر المشهد وتشغل بال جمهورها، إذ علّق شقيق المطربة لأول مرة من خلال رسالة حادة عبر فيسبوك، على الأنباء المتداولة بشأن حالتها الصحية.

وقال محمد شقيق شيرين عبد الوهاب، عبر حسابه الشخصي على موقع فيسبوك: “اتقوا اللّه وسيبوها في حالها، وسيبوا الناس اللي بتحبها بجد تساعدها، وطبعًا معروف مين اللي ورا كل ده، اللي مش عايزها تبقى كويسة خالص، ولا عايز أي حد يساعدها”.

واختتم شقيق شيرين عبد الوهاب حديثه قائلًا: “حسبي اللّٰه ونعم الوكيل”.

تدخل فوري

فيما طالب الشاعر تامر حسين الدولة بالتدخل الفوري لرعاية الفنانة شيرين عبد الوهاب، بعد تعرضها لأزمة صحية خلال الفترة الحالية.
وكتب تامر حسين، عبر حسابه الرسمي على موقع «إكس»: “بعيدًا عن المُتاجرة والمُزايدة في محبة شيرين، اللي عايزلها الخير يناشد الدولة إنها ترعاها، وشيرين تفضل تحت عينهم مش أقل من 6 شهور على التوالي، وفي مستشفيات خاصة للدولة، مش برعاية زُملاء أو أصدقاء مهما كانوا قريبين، لا يستطيعون الرعاية الطبية الشاملة”.

وتابع تامر حسين: “مش هيقدروا على شيرين لو زهقت وعازت ترجع بيتها، هي محتاجة رعاية شديدة ورقابة بمنع أي حد من القرب منها إلى أن تتعافى وتقوم بألف سلامة، غير كده هنلف في نفس الدايرة، ودي نصيحة خالصة لوجه الله، ومن محبتي في إنسانة طيبة وغالية علينا جميعًا، محدش حايقوم شيرين من اللي هي فيه غير شيرين والدولة فقط، وربنا أولًا وأخيرًا”.