رؤية حلا شيحة عن يوم القيامة تثير الجدل بين متابعيها

الفنانة حلا شيحة تثير الجدل بعد مقطع فيديو نشرته على صفحتها، حيث روت خلاله تفاصيل رؤيا كانت قد رأتها عن يوم القيامة، مشيرة إلى أن الرؤية كانت في مرحلة العشرينات من عمرها خلال وجودها في لبنان.

وقالت حلا في الفيديو الذي نشرته عبر قناتها على يوتيوب، إنها شهدت رؤية ليوم القيامة في المنام وهي تقف على أرض بيضاء لامعة، تحيط بها جبال من الخلف، ومن الأمام بحر وسماء بدت في غاية السوء، لكنها شعرت بجمالهما، ثم رأت ملكًا على هيئة طائر ضخم تغطي جناحاه السماء بالكامل.

طائر كبير

أضافت حلا: “أنا شوفت ملك على شكل طائر كبير جناحاته بيضاء كل جناح سادد السماء وحجمه كبير شبه الصقر بس كله لونه ابيض، شكله مش مرعب على قد ما حجمه كبير، وبدأ ينزل على الرمال، الناس بدأت تصطف فأنا قلت اية ده شكلنا هنتحاسب هو ده يوم القيامة، أنا عمري في حياتي ما كنت اتكلمت مع حد فيه ولا عارفة تفاصيله ولا عارفة اي حاجة غير الرؤية دي”.
وتابعت: “الملك بدأ ينادي الناس بأسمائهم، وجاء عندي جريت واستخبيت في آخر الصف وأنا بقول لنفسي حلا أنتي طيبة مش بتعملي حاجة غلط وابتسمي ابتسامتك الجميلة وهو مش هيعملك حاجة متقلقيش، وندهلي حلا يا بنت نادية مش أنتي فلانة وكذا وكذا وقعد يتكلم معايا، بصيت ليه بابتسمامة، ورغم ابتسامتي وظني اني كنت كويسة قالي ده ميعاد الحساب وخدني بجناحاته ونزلنا المايه وكانت لونها وحشة اوي والسما كمان، وفي ناس بتتحاسب من ورايا وفي اللحظة دي أدركت ان ده وقت الحساب واني مش هقدر أنقذ حد ولا حد ينقذني”.

عنكبوت ضخم

أكملت حلا: “فجأة ببص جنبى لقيت عنكبوت ضخم شعره شوك وانا عايزة أصحى بس في حاجة جنبي شكلها مرعب وفتحت عيني في اللحظة دي من الرعب في اوضتي بس مش قادرة أصحى وكأن حاجة رجعت شدتني ودخلت في الحلم تاني، ولقيت العنكبوت جنبي وأخدت قرار وقتها عشان أصحى وفتحت عيني وكانت دموعي نازلة من كنت الرعب”.
وأنهت حديثها: “جريت على الشباك ببص برا أنا كنت قاعدة على الكورنيش في لبنان شوفت فعلا العنكبوت في البحر”.